പാലക്കാട്: യാത്രക്കാരുടെ തിരക്ക് വർധിച്ച സാഹചര്യത്തിൽ തിരുവനന്തപുരം നോർത്ത്-മംഗളൂരു സ്പെഷ്യൽ ട്രെയിൻ പുനരാരംഭിക്കുന്നു.
തിരുവനന്തപുരത്തു നിന്നുള്ള സർവീസ് ജൂൺ 16നും മംഗളൂരുവില് നിന്നുമുള്ള സർവീസ് ജൂൺ 17നുമാണ് ആരംഭിക്കുക.
ജൂലൈ 1 വരെയായിരിക്കും സർവീസ് നടത്തുക. തിങ്കൾ, ചൊവ്വ ദിവസങ്ങളിലായിരിക്കും സ്പെഷ്യൽ ട്രെയിനുണ്ടാവുക. 14 സെക്കൻഡ് ക്ലാസ് കോച്ചുകൾ ട്രെയിനിലുണ്ടാകും.
തിരുവനന്തപുരത്തു നിന്നും ജൂൺ 16ന് വൈകുന്നേരം 5.30ന് പുറപ്പെടുന്ന ട്രെയിൻ അടുത്ത ദിവസം രാവിലെ മംഗളൂരു ജംഗ്ഷനിൽ എത്തും. ജൂൺ 30 വരെയാണ് ഈ ട്രെയിന് സർവീസ് നടത്തുക
ജൂൺ 17ന് വൈകുന്നേരം 3.15ന് മംഗളൂരുവിൽ നിന്നും പുറപ്പെടുന്ന ട്രെയിൻ പിറ്റേന്ന് പുലർച്ചെ 3.35ന് തിരുവനന്തപുരത്തെത്തും. ജൂലൈ ഒന്ന് വരെയാണ് ഈ സർവീസ് ഉണ്ടാവുക.
